2015 წელს შემოსავალი ოჯახების 66%-ს შეუმცირდა. სწორედ ასეთი შედეგი აჩვენა "რეზონანსის" ვებ-გვერდზე ჩატარებულმა გამოკითხვამ. მათგან 40% აღნიშნავს, რომ დანაკარგი ძალიან საგრძნობია.

ფერის მიმცემი, შაქრის შემცვლელები, სტაბილიზატორები, გემოსა და სუნის გამაძლიერებლები, ანტიდამჟანგველები, მოცულობის გამზრდელები - ეს ის საკვებდანამატთა მცირე ჩამონათვალია, რომელსაც საკვები პროდუქტების წარმოებაში თითქმის ყოველთვის იყენებენ. მათი რაოდენობა ხშირ შემთხვევაში ზღვრულ ნორმას აჭარბებს. ასეთი პროდუქტის მიღება ადამიანის ჯანმრთელობისთვის საშიშია. საქართველოში კი ისინი უპრობლემოდ იყიდება.

ქართული ტრადიციული სამოსის მიმართ მოთხოვნა მეტ-ნაკლებად სტაბილურია. შეიძლება ითქვას, მოსახლეობის ფინანსურ კრიზისს ეროვნული ტანსაცმლის ბიზნესზე უარყოფითი გავლენა არ მოუხდენია, რამდენადაც იგი საზოგადოების ყველა ფენისთვის პოპულარულია.

დაბინძურებული სკამები, სასრიალოები, გატეხილი საქანელები, დაბინძურებული სავალი ნაწილი და დაზიანებული ქვაფენილი სკვერის ტერიტორიაზე, მაწანწალების თავშესაფრად ქცეული დასასვენებელი ადგილი - აი, ასეთი სურათი დახვდებათ დედაქალაქის ერთ-ერთ ცენტრალურ ქუჩაზე, ბარათაშვილის ხიდის მიმდებარედ არსებულ სკვერში დასასვენებლად მისულ მოქალაქეებს.

"ნერვები მაქვს დამსკდარი, ქალაქში ყველგან გაფუჭებულია გზები. ძალიან ცუდი, კატასტროფული მდგომარეობაა. საერთოდ არ ვარგა არაფერი. არსად არ არის ისეთი გზა, რომელიც კარგი და გაკეთებული იქნება. საცობებია საშინელი. ამას რომ თავი დავანებოთ, მანქანები, დიდი იქნება თუ პატარა, ყველა ფუჭდება, რაც დამატებითი პრობლემა და ხარჯია," - აცხადებენ მძღოლები "მთელ კვირასთან" საუბრისას.

გლდანის რაიონს მიერთებული დასახლების გიორგიწმინდას, უფრო კონკრეტულად კი სოხუმის ქუჩის მცხოვრებლები "მთელ კვირასთან" ქუჩაზე არსებულ მძიმე მდგომარეობაზე საუბრობენ. მათი თქმით, გზა ძალიან ცუდ მდგომარეობაშია, განსაკუთრებით საშინელი მდგომარეობაა წვიმის დროს, როცა გავლა თითქმის შეუძლებელი ხდება.

2016 წლის ბოლოს საქართველოში ბავშვთა ჰოსპისის გახსნა იგეგმება. ესაა დაწესებულება/სახლი, სადაც ქრონიკული და უკურნებელი სენით დაავადებულ ბავშვებს ფსიქო-სოციალურ და სამედიცინო მზრუნველობას გაუწევენ. ბავშვებისა და მათი ოჯახებისთვის მომსახურება უფასო იქნება. ბავშვთა ჰოსპისი სამი ძირითადი მიმართულებით იმუშავებს: 24 საათიანი მომსახურება ერთდროულად 10 ბავშვისთვის, დღის ცენტრი, სადაც ბავშვები და მათი მშობლები დილიდან საღამომდე საჭირო მომსახურებას მიიღებენ და შინ ზრუნვის სამსახური, რომელიც ბავშვებს ბინაზე მოემსახურება.

15 ივნისიდან "სითი-პარკს" ავტომობილების საჯარიმო ავტოსადგომზე გადაყვანის უფლება ეზღუდება. თუკი აქამდე მათ დგომა-გაჩერების წესების დამრღვევი ყველა მანქანა პირდაპირ საჯარიმოზე გადაჰყავდათ და შესაბამისად, მძღოლს ადმინისტრაციული ჯარიმის - 10 ლარის გარდა მანქანის გამოხსნის საფასური 60 ლარის გადახდაც უწევდა, კანონის ამოქმედების შემდეგ, კომპანიას ამის უფლება მხოლოდ იმ შემთხვევაში ექნება, თუკი გაჩერებული მანქანა ქმნის საცობს ან საავარიო სიტუაციას, ხელს უშლის ქვეითთა, ან ავტომობილების გადაადგილებას. სხვა შემთხვევაში კი, "სითი-პარკი" ადმინისტრაციულ ჯარიმით შემოიფარგლება და მძღოლიც მხოლოდ 10 ლარს გადაიხდის.

გამოკითხულთა უმეტესობა სტატისტიკის ეროვნული სამსახურის მონაცემებს არ ენდობა. რესპონდენტების აზრით, უმუშევრობის დონის შემცირებაზე საუბარი აბსურდია. ნაწილი კი უმრავლესობის პოზიციას არ ემხრობა და ფიქრობს, რომ ქვეყანაში ბოლო 2 წლის განმავლობაში განვითარებული მოვლენების ფონზე, უმუშევრობის დონის შემცირება ლოგიკურია. რამდენიმე მათგანმა სამუშაო ადგილების რაოდენობის ზრის დამადასტურებლად, ხელისუფლების მიერ განხორციელებული ეკონომიკური და პოლიტიკური აქტივობა მოიყვანა.

გაზაფხული-ზაფხული - სეზონი, როდესაც ჯანმრთელობისთვის სასარგებლო უამრავი სახეობის ხილის მიღება შეგვიძლია. გარდა იმისა, რომ ხილი გემრიელია და ზოგჯერ მას უზომო რაოდენობითაც მივირთმევთ, მათ სამკურნალო თვისებებიც გააჩნია.

იმ ავტომფლობელს, რომელიც სასწრაფო დახმარების მანქანას გზას არ დაუთმობს, 30 ლარის გადახდა მოუწევს. რესპონდენტების უმეტესობა ამ ფაქტს დადებითად აფასებს და ფიქრობს, რომ ძალიან ბევრი მკაცრ მიდგომას იმსახურებს. ზოგიერთი კი ამის აუცილებლობას ვერ ხედავს, რადგან საგზაო მოძრაობას კანონი ისედაც არეგულირებს. "რეზონანსთან" საუბრისას მოქალაქეებმა ისიც აღნიშნეს, რომ ჯარიმის დაწესება სახანძროს გადასწრების შემთხვევაშიც უნდა მოქმედებდეს, რადგან მისი ადგილზე დროულად მისვლა არანაკლებ მნიშვნელოვანია.

გამოკითხულთა უმეტესობა გენმოდიფიცირებულ პროდუქტთან დაკავშირებით ინფორმაციას არ ფლობს. ზოგიერთმა მისი მნიშვნელობაც არ იცის. რესპონდენტების დიდი ნაწილი ითხოვს ეტიკეტზე იმ ინფორმაციის სრულყოფილად ასახვას თუ რა სახის დანამატებს შეიცავს პროდუქტი.