საქართველოს პარლამენტმა პირველი მოსმენით მხარი უკვე დაუჭირა შრომის კოდექსში ცვლილებებსა და იმ მუხლებს, რომლებსაც დამსაქმებლები ბარიერად აღიქვამენ. სწორედ ამ ცვლილებებზე ზედამხედველობას მიიჩნევს პროფკავშირები ახლა მთავარ საკითხად.

სახელმწიფოს მხირდან სესხების სუბსიდირების პროგრამა თითქმის ორი კვირის დაგვიანებით ამოქმედდა. ბაზარი ახლა იმ კლიენტების მოლოდინშია, რომლებიც პროგრამის დაანონსების შემდეგ ბინების ყიდვისაგან თავს იკავებდნენ და სწორედ სუბსიდირების სქემის ამოქმედებას ელოდებოდნენ. სპეციალისტების აზრით, პროგრამა პოსტპანდემიურ პერიოდში უძრავი ქონების გაიაფების პროცესს შეაფერხებს.

საქართველოში სასტუმროების მომსახურების ფასი, შემცირების ნაცვლად, გაიზარდა. პანდემიისა და საშინელი კრიზისის მიუხედავად, სასტუმროებმა ტარიფები არათუ შეამცირეს, პირიქით, გაზარდეს კიდეც, რაც საოცრად არაადეკვატური ნაბიჯია არსებულ ვითარებაში.

შემოდგომიდან პანდემიის ახალი ტალღის მოლოდინში, პრემიერი ამბობს, რომ დღეს, მთავრობას სამუშაო ადგილების შექმნის გარდა, საზრუნავი არაფერი აქვს. როგორ ზრუნავს და რას აკეთებს მთავრობა მის მთავარ ფუნქციაზე, ამას შემოდგომა და არჩევნები გამოჩენს, იქამდე კი მთავრობის მეთაური 121 719 შემოსავლის გარეშე დარჩენილი თვითდასაქმებულისა და 129 000-ზე მეტი უმუშევრად დარჩენილი დაქირავებით დასქმებულის საპირწონედ, მომდევნო ოთხ თვეში, 3000 ახალი სამუშაო ადგილის შექმნას აანონსებს.

ლარმა წონასწორობის ახალი ნიშნული იპოვა და საგანგებო რეჟიმის შემდეგ უკვე 3 კვირაზე მეტია სტაბილურად 3.04-3.7-ის ფარგლებში მერყეობს. ,,ბიზნეს-რეზონანსთან“ საუბრისას, ანალიტიკოსები ამბობენ, რომ ეს ნოემბრამდე გაგრძელდება და შემდეგ დიდ გაუფასურებას უნდა ველოდოთ.

პანდემიამ მსოფლიო სრულიად ახალი გამოწვევების წინაშე დააყენა და სასურსათო უსაფრთხოებისა და სოფლის მეურნეობის პრიორიტეტულობაში კიდევ ერთხელ დაარწმუნა. ,,რეზონანსი“ დაინტერესდა, დეტალურად რა ნაბიჯები გადადგა საქართველოს გარემოს დაცვისა და სოფლის მეურნეობის სამინისტრომ ამ მიმართულებით და როგორია უკვე მიღებული და მოსალოდნელი შედეგები.

სამედიცინო მომსახურეობაზე, ფასები 35%-ით არის გაზრდილი. ასევე მომატებულია მედიკამენტების ღირებულებაც. პაციენტებს, ეკონომიკური აღდგენის პირობებში იმდენად მაღალი ფასი დახვდათ სამედიცინო მომსახურებაზე, რომ მოსახლეობის დიდი ნაწილისათვის, ჯანდაცვა უკვე ხელმიუწვდომელია. დარგის სპეციალისტები ,,ბიზნეს-რეზონანსთან“ ამბობენ, რომ ზრდა არალოგიკურია მაშინ, როცა სამედიცინო პერსონალის ხელფასები იკლებს. 

სემეკს ახალი კანონპროექტის მიღების შემთხვევაში ენერგოკომპანიებში 5%-ზე მეტი წილის გასხვისების პროცესის დაბლოკვის უფლება მიეცემა. ახალი საკანონმდებლო ინიციატივა ენერგეტიკაში ბევრს რამეს ცვლის. ენერგეტიკოსებს კანონპროექტი არ მოსწონთ და ამბობენ, რომ ის აჩენს კორუფციის რისკს, თავისთავად ჩანაწერები კი ბუნდოვანია და ინტერპრეტაციის საშუალებას იძლევა.

ბოლო ოთხი თვის განმავლობაში 22%-ით გაუფასურებული ლარი, მზარდი ინფლაცია, ფასების კატასტროფული ზრდა, დაკარგული სამუშაო ადგილები, გაჩერებული ტურისტული ინდუსტრია, უცხოეთიდან შემცირებული ფულადი გზავნილები და ა.შ. ეკონომიკის კლების დაბალ ტემპზე მიანიშნებს. პროგნოზი საერთაშორისო ორგანიზაციების მხრიდან ყოველ ჯერზე უფრო ნეგატიურია.

წელს რთველის სუბსიდირების პროგრამა აღდგა. ღვინის და სპირტიანი სასმელების მწარმოებელი მსხვილი კომპანიები სახელმწიფოსგან 1 კგ ყურძენზე 30 თეთრის სუბსიდიას ორი პირობის გათვალისწინებით მიიღებენ: 1000 ტონაზე მეტი რქაწითელის ან კახური მწვანის გადამუშავება და ყურძნის შესყიდვის მინიმალური ღირებულება 80 თეთრი.

მიუხედავად იმისა, რომ ეკონომიკა თითქმის სრულად გახსნილია, ბიზნესის მდგომარეობა მაინც არ უმჯობესდება და ერთმანეთის მიყოლებით იხურება საგანგებო  მდგომარეობის შემდეგ გახსნილი ობიექტები. კერძო სექტორის მთავარი პრობლემა ახლა, შემცირებულ შემოსავალთან ერთად, საბანკო კრედიტების გადახდის მოახლოებული ვადაცაა. 

თითქმის 4-თვიანი პაუზის შემდეგ, საქართველო საზღვრებს ხსნის. გერმანია, საფრანგეთი, ლატვია, ლიეტუვა და ესტონეთი - ეს ის ქვეყნებია, რომელთათვისაც საქართველომ საზღვრები უპირობოდ უკვე გახსნა. საქართველო 18 მარტის შემდეგ (რაც ხელისუფლებამ ყველა ქვეყნისთვის საზღვრები ჩაკეტა) პირველ ვიზიტორს და და პირველ სარგებელს ელოდება.