კორონავირუსის პანდემიამ ტურიზმის სფერო მთლიანად ჩაძირა. ეკონომიკის ერთ-ერთ მამოძრავებელ დარგს დიდი ზარალი მიადგა, რომლის ანაზღაურებასაც წლები დასჭირდება. ეპიდემიისგან გამოწვეულმა პრობლემებმა ცხადყო, რომ ქვეყნის შემოსავლის მნიშვნელოვანი ნაწილი მხოლოდ ერთ სექტორზე არ უნდა იყოს დამოკიდებული. მნიშვნელოვანია, რომ, ტურიზმთან ერთად, სხვა დარგებმაც იმუშაოს ისე გამართულად, როგორც ამას ზემოთ ხსენებული სფერო ახერხებდა ვირუსის გავრცელებამდე.

კორონავირუსით ინფიცირებულთა 60% აჭარაზე მოდის. რეგიონში საზოგადოებრივი და საქალაქთაშორისო ტრანსპორტი არ მოძრაობს. სწავლა დისტანციურად მიმდინარეობს. მიუხედავად გარკვეული შეზღუდვებისა აჭარა ვირუსის გავრცელების კერად რჩება. ამ ფონზე ისმის ხმები ზომების გამკაცრების მოთხოვნით, რასაც მოსახლეობის დიდი ნაწილი ნეგატიურად და ზოგჯერ პროტესტითაც ხვდება.

კორონავირუსის მეორე ტალღა ახალ ეკონომიკურ კრიზისს უეჭველად წარმოშობს, რომელიც შესაძლოა, იმაზე მძლავრი აღმოჩნდეს, ვიდრე თავდაპირველად ეპიდემიის გავრცელებას მოჰყვა. პანდემიის გამო მიღებულმა შოკმა საქართველოს ეკონომიკა წლებით უკან დახია, ამიტომ მის აღდგენას საკმაოდ დიდი დრო დასჭირდება, კორონავირუსის მეორე ტალღა კი ახალ შიშსა და მეორე კრიზისს აჩენს.

ამ დრომდე უცნობია, სცემეს თუ უბედური შემთხვევის შედეგად 40 წლის ჯარისკაცმა დაზიანებები მიიღო. გორში, წმინდაწყლის დასახლებაში ზვიად ჯანიაშვილი  მძიმე მდგომარეობაში იპოვეს. როგორც ადგილობრივები „რეზონანსს“ უყვებიან, მამაკაცმა სასწრაფო დახმარებისთვის 112-ზე თავად დარეკა. თუმცა ადგილზე მისულ მედიკოსებს ის უკვე უგონო მდგომარეობაში დახვდათ. 

სამშაბათს ახალქალაქის ცენტრალურ მოედანზე ადგილობრივმა ეთნიკურად სომეხმა მოქალაქეებმა ყარაბაღის არაღიარებული რესპუბლიკის სოლოდარობის ნიშნად მხარდასაჭერად მშვიდობიანი აქცია-მსვლელობა ლოზუნგით „ჯავახეთი ყარაბაღის მხარდასაჭერად" გამართეს. გროვდება თანხა, რომელიც ყარაბაღის კონფლიქტში დაშავებულებისთვის და სომეხი სამხედროების დასახმარებლად გაიგზავნება.

მთიან ყარაბაღში სამხედრო დაპირისპირება გრძელდება და კონფლიქტი დღითი-დღე მწვავდება.  სულ უფრო გახშირდა და გაძლიერდა ორივე მხრიდან სარაკეტო და საარტილერიო თავდასხმები მშვიდობიან მოსახლეობაზე. ათეულობით მშვიდობიანი ადამიანი ორივე მხრიდან უკვე დაღუპულია, მათ შორის ბავშვები. რაც შეეხება სამხედრო მსხვერპლს, ის მრავალი ასეულით და შეიძლება ათასობითაც იზომებოდეს. საკუთარ სამხედრო დანაკარგს ორივე მხარე ამცირებს, მოწინააღმდეგისას კი ბერავს, ამიტომ ამ მხრივ ზუსტი სურათის დანახვა ამ ეტაპზე შეუძლებელია. 

სომხეთ-აზერბაიჯანის დაპირისპირების არეალი საქართველოს ტერიტორიაზე თუ გადმოინაცვლებს, არჩევნების ჩატარება შეფერთხდება. განსაკუთრებული როლი ყარაბაღის ომში რუსეთსა და თურქეთს აქვთ, რადგან მათი აქტიურობა და ჩართულობა მიმდინარე პროცესებში გარდაუვალი ხდება, აცხადებს „რეზონანსთან" ექსპერტი კავკასიის საკითხებში მამუკა არეშიძე.

რუსეთის ჩარევაზე საქართველოს 31 ოქტომბრის არჩევნებში თბილისში განსხვავებული მოსაზრებებია. სამიდან ორი საერთაშორისო ექსპერტი, ვისაც „რეზონანსი" ამ საკითხზე ესაუბრა, ამ საშიშროებას რეალურად თვლის, მესამეს კი ეს ნაკლებსავარაუდოდ მიაჩნია, რადგან გაურკვეველია, ვის უნდა დაეხმაროს რუსეთი გამარჯვებაში.

საქართველოში კორონავირუსით ინფიცირების ახალი შემთხვევების ყოველდღიური მაჩვენებელი დაახლოებით 600-იანი ნიშნულის მახლობლად ფიქსირდება. ეპიდვითარებიდან გამომდინარე, ქვეყანა კრიტიკულ ფაზაშია და ვირუსის კონტროლი ძალიან რთულდება. გარდაცვლილთა დინამიკაც რადიკალურად იცვლება. სასწავლო პროცესი შესაძლოა კვლავ ონლაინ რეჟიმში გაგრძელდეს, რადგან სკოლებში ვირუსის მატება შეინიშნება.

სომხურ-აზერბაიჯანული სამხედრო დაპირისპირება საქართველოს სავაჭრო ურთიერთობებზე და ზოგადად, ქვეყნის ეკონომიკურ ცხოვრებაზე საგრძნობ გავლენას ახდენს. მიუხედავად იმისა, რომ ყარაბაღის კონფლიქტს უშუალოდ ჩვენთან არც გეოგრაფიული და არც პოლიტიკური შეხება არ აქვს, მისი განახლება ძალიან სერიოზულ და მრავალმხრივ რისკებს შეიცავს საქართველოსთვისაც. 

მთავრობა 2021 წლის საბიუჯეტო სახსრებს ვერ განკარგავს ისე, რომ შემოსავლებისა და გადასახდელების ნაწილში პრობლემა არ ჰქონდეს. ქვეყნის მთავარი ფინანსური დოკუმენტი ჯერაც განხილვის პროცესშია, მაგრამ თავდაპირველი ვერსია უკვე გახდა კრიტიკის საფუძველი. ასეთი განწყობის ძირითადი მიზეზი საბიუჯეტო დეფიციტია. გადასახდელების ნაწილში ნაწილში ბიუჯეტი იზრდება 17 მილიარდ ლარამდე, ხოლო შემოსულობების ნაწილში  14,7 მილიარდი ლარით განისაზღვრა. როგორც სპეციალისტები აცხადებენ, შემოსულობების და გადასახდელების ნაწილში ასეთი დიდი სხვაობა სამომავლოდ ქვეყნის ეკონომიკაში დიდ პრობლემას გამოიწვევს.

არსებობს თუ არა საქრთველოში იმის საფრთხე რომ ყარაბაღის ომში ჩვენმა ეთნიკურმა ჯგუფებმა მონაწილეობა მიიღონ და ამით საქართველოს ინტერესები დაზიანდეს. მოსალოდნელია თუ არა პროვოკაციები საქართველოში მცხოვრებ როგორც სომხური, ასევე აზერბაიჯანული თემის მიმართ და უნდა გაამკაცროს თუ არა ე.წ. მოხალისე ჯგუფების მიმართ საქართველოს ხელისუფლებამ პოლიტიკა, რომლებმაც შესაძლოა ყარაბაღის ომში მონაწილეობის სურვილი გამოთქვან და ქვეყნის საზღვრის გადალახვა მოისურვონ.