"არ მგონია, ეს პოლიტიკა ლეგალური მიგრანტების წარმომავლობას შეეხოს. მართალია ,ტრამპმა ერთი პერიოდი "მწვანე ბარათების" მფლობელებსაც აუკრძალა მისი გამოყენება, თუმცა მეტწილად ეს სიმკაცრე მაინც არალეგალურ მიგრაციას შეეხება, ვინაიდან მას თან ძალიან დიდი საფრთხე სდევს", - ამბობს აშშ-ში მასშტაბური რეიდების დაწყების შეფასებისას სამხედრო ანალიტიკოსი ვახტანგ მაისაია.

ყირიმის უკანონო ანექსიის შემდეგ, რუსული პროპაგანდის მნიშვნელონი გაძლიერება შეინიშნება, - აცხადებს ნატოს პრესმდივნი ოანა ლუნგესკუ. დეზინფორმაცია ვრცელდება სატელევიზიო არხი ღთ-სა ("რაშა თუდეი") და საინფორმაციო სააგენტო "სპუტნიკის" საშუალებით, რომლებიც ცრუ ამბების ("ფეიკ ნიუსების") ტირაჟირებით არიან დაკავებულ

გასულ კვირას აშშ-ის პრეზიდენტ დონალდ ტრამპსა და უკრაინის ლიდერ პეტრო პოროშენკო შორის სატელეფონო საუბარი შედგა. ტრამპმა თავის კოლეგას დაუდასტურა, რომ აშშ უკრაინის სამთავრობო ძალების დახმარებას სეპარატისტული მოძარობების წინააღმდეგ ბრძოლაში კვლავ გააგრძელებს და შეეცდება, უკრაინაში კვლავ მშვიდობა დაამყაროს.

8 თებერვალს, დილის 6 საათზე, დონეცკის ოლქში, მაკეევკის რაიონში, ბატალიონ "სომალის" ბაზაზე, პრორუსი სეპარატისტების ცნობილი მეთაური "გივი" ააფეთქეს. მიხაილ ტოლსტიხი, მეტსახელად "გივი", განსაკუთრებული სისასტიკითა და ტყვეთა მიმართ დაუნდობელი მოპყრობით იყო ცნობლი.

8 თებერვალს, დილის 6 საათზე, ქალაქ დონეცკის გარეუბნები აფეთქების მორიგმა, გამაყრუებელმა ხმამ შეაზანზარა. მან დონეცკის არაღიარებული რესპუბლიკის ერთ-ერთი ყველაზე ცნობილი საველე მეთაური, ბატალიონ "სომალის" შემქმნელი მიხეილ ტოლსტიხი, იგივე "გივი" შეიწირა.

უკვე კვირაზე მეტია, რაც რუმინეთის დედაქალაქ ბუქარესტში მრავალათასიანი დემონსტრაციები არ წყდება. ევროკავშირის წევრ ქვეყნებს შორის ყველაზე ღარიბი სახელმწიფოს მოქალაქეები 31 იანვარს მინისტრთა კაბინეტის მიერ პარლამენტის გვერდის ავლით, ღამის 11 საათზე მიღებულ გადაწყვეტილებას აპროტესტებენ.

დონალდ ტრამპის წინასაარჩევნო კამპანიის ხელმძღვანელისა და აწ უკვე მისი ადმიისტრაციის მთავარი სტრატეგიული მრჩევლის, ულტრა მემარჯვენე შეხედულებებით ცნობილი სტივ ბენონის ვარაუდით, აშშ ჩინეთთან მომდევნო 5-10 წელიწადში სამხრეთ ჩინეთის ზღვაში ომს დაიწყებს.

2 თებერვალს ევროპარლამენტმა საქართველოს მოქალაქეთათვის სავიზო რეჟიმის გაუქმებას დაუჭირა მხარი. ამ სასიხარულო ცნობას წლების განმავლობაში მთელი ქვეყანა მოუთმენლად ელოდა. ადგილობრივი თუ უცხოელი ექსპერტები და პოლიტოლოგები ვარაუდებს გამოთქვამენ იმის თაობაზე, თუ როგორ აისახება ვიზალიბერალიზაციის პროცესი ჩვენს ქვეყანასა და თანამოქალაქეებზე.

აშშ-ში დონალდ ტრამპის მეორე სამუშაო კვირა ქუჩებსა და აეროპორტებში საპროტესტო აქციებით დაიწყო და მიუხედავად იმისა, რომ აშშ-ს პრეზიდენტი ამტკიცებს, საემიგრაციო განკარგულება ქვეყნის დაცვას უკავშირდება და არა მუსლიმების მიუღებლობასო, მის გადაწყვეტილებას არა მარტო აქციაზე გამოსულები აკრიტიკებენ მწვავედ, არამედ თავად სენატორებიც და ევროკავშირის ლიდერებიც. კეთდება პროგნოზები, რომ ტრამპის გეგმებმა დიდი ეროზია გააჩინა ევროკავშირი-აშშ-ს ურთიერთობებში.

უკრაინაში დაძაბულობის ახალი ტალღა დაიწყო. ქვეყნის აღმოსავლეთ ნაწილში, დონბასში, კერძოდ კი ავდეევკის რაიონში გასული 3 დღის განმავლობაში საბრძოლო მოქმედებები არ წყდება. უკრაინის სამთავრობო ჯარსა და ე.წ. დონეცკის სახალხო რესპუბლიკის პრორუსულ შეიარაღებულ ფორმირებებს შორის ბრძოლას მსხვერპლი ორივე მხარიდან მოჰყვა, თუმცა მათი რაოდენობის შესახებ უკრაინულ და რუსულ მედიაში განსხვავებული ინფორმაცია ვრცელდება.

ბერლინის კედელთან ასოცირებული უსიამოვნო შეგრძნება - ასე აფასებენ ანალიტიკოსები აშშ-მექსიკის გამყოფი კედლის მშენებლობას, რაც მსოფლიო ლიდერების და ანალიტიკოსების შეშფოთების მიზეზია. მათი შეფასებით, ამით ტრამპი თავისი წინასაარჩევნო დაპირების შესრულებას იწყებს, რაც ნიშნავს, რომ ის სხვა დაანონსებული წინადადების სისრულეში მოყვანასაც შეეცდება.

"თუ ადრე დონალდ ტრამპი ცათამბჯენების, "ტრამპ თაუერების" აღმართვით იყო ცნობილი, ახლა "ტრამპ ვოლის" (ეკგქზ ცფდდ) აშენებითაც გაითქვამს სახელს", - ასე აფასებს აშშ-მექსიკის გამყოფი კედლის მშენებლობას, ბრიგადის გენერალი, ანალიტიკოსი სამხედრო-პოლიტიკურ და უსაფრთხოების საკითხებში ამირან სალუქვაძე.