ჩეჩნეთის პარლამენტის სპიკერი მაგომედ დაუდოვი 2015 წლიდან პოლონეთში მცხოვრებ ბლოგერ ტუმსო აბდურახმანოვს „სისხლის აღებით" ემუქრება. სოციალურ ქსელ „ინსტაგრამის" პირდაპირ ეთერში დაუდოვმა განაცხადა, რომ თავის ძმებთან ერთად აუცილებლად იპოვის აბდურახმანოვს და შურს იძიებს.

იტალიაში, მოსწავლეებს სკოლაში მისვლა მანამდე აეკრძალათ, სანამ წითელას საწინააღმდეგო სავალდებულო ვაქცინაციას არ ჩაიტარებენ. ეს გადაწყვეტილება, ქვეყანაში, წითელას შემთხვევების მასიურად გამოვლენის გამო, რამდენიმეთვიანი დებატების შემდეგ მიიღეს. მშობლები, რომლებიც შვილებს, სკოლაში აცრის გარეშე გაუშვებენ, 500 ევროთი დაჯარიმდებიან. 6 წლამდე ბავშვები კი, აცრების დამადასტურებელი დოკუმენტაციის გარეშე, საბავშვო ბაღებში არ დაიშვებიან.

ესტონეთმა შესაძლოა რუსეთს ოფიციალურად წაუყენოს ტერიტორიული პრეტენზიები. შესაბამისი კანონპროექტი ქვეყნის პარლამენტში უკვე დარეგისტრირდა. დავა ეხება რუსეთის ლენინგრადისა და ფსკოვის ოლქების ნაწილს და ქალაქ ივანგოროდს. ეს ტერიტორიები რუსეთის ფედერაციის შემადგენლობაში 1944 წელს შევიდა, მას შემდეგ, რაც II მსოფლიო ომის მსვლელობისას ბალტიის ქვეყნები საბჭოთა ჯარებმა დაიკავეს.

"ჩრდილოეთ კორეის მიერ დაწყებული ქმედებები მეტყველებს იმაზე, რომ ტრამპის პოლიტიკამ, მისმა დიპლომატიამ კრახი განიცადა - კორეის ნახევარკუნძულზე ბირთვული რბოლის დაწყებამ, შესაძლოა, სერიოზული ეფექტი იქონიოს მსოფლიო უსაფრთხოებაზე," - ასე შეაფასა სამხედრო ექსპერტმა ვახტანგ მაისაიამ ჩრდილოეთ კორეის მიერ ფხენიანის ახლოს ახალი რაკეტების აგების შესახებ გავრცელებული ინფორმაცია.

ინდოეთსა და პაკისტანს შორის ურთიერთობა მწვავდება. ამ ორ ბირთვულ ქვეყანას შორის ერთგვარი საჰაერო ბრძოლა დაიწყო და 1971 წლის ომის შემდეგ ქაშმირში, რომელიც სადავო ტერიტორიაა, პირველი საჰაერო დარტყმაც მოხდა.

უკრაინაში 31 მარტს მოსალოდნელ საპრეზიდენტო არჩევნებმდე 1,5 თვით ადრე კიევის სოციოლოგიის საერთაშორისო უნივერსიტეტის მიერ ჩატარებული გამოკითხვით ისევ კომიკოსი ვლადიმირ ზელენსკი ლიდერობს, მას მოჰყვებიან პრეზიდენტი პეტრო პოროშენკო და პარტია "ბატკივშინას" ლიდერი იულია ტიმოშენკო. დანარჩენი კანდიდატების რეიტინგი კი 10%-ის ფარგლებში მერყეობს.

ვენესუელის საზღვრებზე შეტაკებებში დაშავებულთა რაოდენობა უკვე ასეულებს აღწევს, სულ მცირე 4 კაცი დაიღუპა. ამის პარალელურად, ჯარისკაცები და ოფიცრები მასობრივად ტოვებენ შეიარაღებული ძალების რიგებს და მეზობელ ქვეყნებში ეძებენ თავშესაფარს.

მოლოდოვას საპარლამენტო არჩევნებში პრორუსულმა სოციალისტურმა პარტიამ გაიმარჯვა, რომელიც რუსეთთან  უფრო  მჭიდრო თანამშრომობასა და ევრაზიულ კავშირთან ურთიერთობის განმტკიცების მომხრეა. თუმცა, არჩევნების შედეგების მიხედვით, პარლამენტში მოხვედრილი 4 საარჩევნო სუბიექტიდან ვერცერთმა ვერ მიიღო მთავრობის დამოუკიდებლად ფორმირებისათვის საჭირო ადგილების რაოდენობა.

ვენესუელას შემდეგ დიდი არეულობები და პროტესტი, შესაძლოა, ნიკარაგუაშიც დაიწყოს. ვაშინგტონიდან კეთდება განცხადება, რომ დანიელ ორტეგას დღეები დათვლილია და ნიკარაგუელი ხალხი მალე თავისუფალი იქნება. ნიკარაგუა კი ვენესუელას შემდეგ მეორე ქვეყანაა ამერიკის კონტინენტზე, რომელმაც რუსული ფულის და მხარდაჭერის სანაცვლოდ ჩვენი ოკუპირებული ტერიტორიები აღიარა. ამიტომაც ამ ორ ქვეყანაში რეჟიმების ცვლილება საქართველოსთვის დიდი ინტერესის საგანია.

თუ ამერიკა ევროპაში, რუსეთის საზღვრების სიახლოვეს, "ტომოჰავკის" ფრთოსან რაკეტებს განათავსებს, რუსეთი იძულებული გახდება, გადადგას "სარკისებრი და ასიმეტრიული" ნაბიჯები, ანუ შექმნას და განათავსოს ახალი ტიპის იარაღი, რომელიც მიმართული იქნება არა მხოლოდ იმ ტერიტორიების წინააღმდეგ, საიდანაც საფრთხე მოდის, არამედ გადაწყვეტილების მიმღები ცენტრების წინააღმდეგაც, ამის შესახებ რუსეთის პრეზიდენტმა ვლადიმირ პუტინმა ფედერალურ კრებაში გამოსვლისას განაცხადა.

"რუსეთმა, მიუხედავად შეთანხმების არსებობისა, არამარტო რაკეტების შექმნა და გამოცდა დაიწყო, არამედ ევროპულ ნაწილში, რუსეთის დასავლეთ საზღვართან, მისი განლაგებაც.

აშშ-ის 16 შტატისგან შემდგარი კოალიცია პრეზიდენტ დონალდ ტრამპს სასამართლოში უჩივის. მიზეზი ტრამპის მიერ მექსიკის საზღვარზე კედლის მშენებლობისათვის დაფინანსებისმოსაპოვებლად საგანგებო მდგომარეობის შემოღებაა.