ევროსაბჭოს საპარლამენტო ასამბლეაში რუსეთის დაბრუნების საკითხი კითხვის ნიშნის ქვეშ დადგა. მას შემდეგ, რაც მოსკოვში გამართული არასანქცირებული საპროტესტო აქცია ხელისუფლებამ რამდენჯერმე ძალისმიერი მეთოდების გამოყენებით დაშალა, ევროსაბჭოს საპარლამენტო ასამბლეის ბრიტანული დელეგაციის ხელმძღვანელი როჯერ გეილი გამოვიდა ინიციატივით, რომ ასამბლეაში რუსეთის დაბრუნების საკითხი გადაიხედოს, რადგან ოფიციალური მოსკოვი არ იცავს საერთაშორისო ნორმებით დადგენილ კანონებს.

რუსეთის დედაქალაქში ოპოზიციის მიერ მოწყობილ არასანქცირებულ მსვლელობაზე, სადაც მოსკოვის საქალაქო საბჭოს არჩევნებში ოპოზიციონერი კანდიდატების დაბლოკვას აპროტესტებდნენ, 300-ზე მეტი ადამიანია დაკავებული, რომელთა შორის 20-ზე მეტი არასრულწლოვანია, ასევე 2 უცხოელი და არაერთი ჟურნალისტი, რომელიც ადგილზე ვითარებას აშუქებდა.

ამერიკის შეერთებული შტატები რუსეთს სანქციების მეორე პაკეტს უწესებს, რომელიც ინგლისის ქალაქ სოლსბერიში, რუსული გრუ-ს ყოფილი ოფიცრისა და მისი შვილის, სერგეი და იულია სკრიპალების, 2018 წლის 4 მარტს ნერვულ-პარალიტიკური ნივთიერებით „ნოვიჩოკით" მოწამლვას უკავშირდება. ბრიტანეთი დარწმუნებულია, რომ სკრიპალების მოწამლვაში რუსეთის ხელი ურევია. თუმცა, აშშ-მ სასანქციო პაკეტიდან რამდენიმე პუნქტი მაინც ამოიღო.

რუსეთის საგარეო საქმეთა სამინისტრომ ოფიციალური განხადება გამოაქვეყნა 2019 წლის 2 აგვისტოდან საერთაშორისო ბირთვული ძალების მცირე და საშუალო რადიუსიან რაკეტების ლიკვიდაციის ხელშეკრულების შეწყვეტაზე. ამის შესახებ ნათქვამია რუსეთის საგარეო საქმეთა სამინისტროს ვებ გვერდზე.

რუსეთის საფონდო ბაზარი 2 აგვისტოს კიდევ ერთხელ ჩამოიშალა. ინდექსების მნიშვნელოვანი ვარდნა გლობალური საფონდო ბირჟისა და ნავთობის ფასების ვარდნის გამო მოხდა, რასაც რუსეთის წინააღმდეგ სანქციების მორიგი ტალღა დაემატა. ყველაფერი ეს გამოწვეულია შეერთებულ შტატებსა და ჩინეთს შორის სავაჭრო დაპირისპირების ესკალაციით და ვაშინგტონის მიერ დაწესებული ახალი სანქციების დაწესებით მოსკოვის წინააღმდეგ სერგეი სკრიპალისა და მისი ქალიშვილის საქმესთან დაკავშირებით.

ბრიტანეთის არმიაში შეიქმნა სპეციალური დანაყოფი, რომელიც რეაგირებას მოახდენს რუსეთის მიერ სოციალურ ქსელებში განხორციელებულ თავდასხმებზე და საპასუხო თავდასხმებსაც განახორციელებს. ექსპერტი უსაფრთხოების საკითხებში ვახტანგ მაისაია „რეზონანსთან" ამბობს, რომ სოცქსელებში განხორციელებული თავდასხმები და მათი დაცვის მექანიზმების შექმნა ფაქტიურად ცივი ომის ნაწილია, რომელსაც ფსიქოლოგიურ ომს უწოდებენ.

ამერიკის სენატი გაზსადენ "ჩრდილოეთის ნაკადი 2"-ის წინააღმდეგ სანქციებზე მსჯელობს, გუშინ სანქციების შემოღებას სენატის საგარეო კომიტეტმა მხარი დაუჭირა და, დიდი ალბათობით, საბოლოოდ ისინი მაინც ამოქმედდება.

ამერიკის საჰაერო ძალები ქმნიან პირველ B-21 ტიპის პირველ საჰაერო თავდაცვითი სისტემის სატესტო თვითმფრინავს, რომელსაც მსოფლიოში ანალოგი არ ეყოლება. ამის შესახებ ამერიკის საჰაერო ძალების შტაბის უფროსმა დევიდ გოლდფინმა განაცხადა. მისი თქმით სატესტო თვითმფრინავის ფრენის ვადებს აშშ-ს საჰაერო ძალები ვერ გაამხელს, რადგან პროგრამა გასაიდუმლოებულია.

2019 წლის პირველ ნახევარში მოსკოვმა თითქმის 45 ათას უკრაინელს მიანიჭა რუსეთის მოქალაქეობა. ამავე პერიოდში რუსეთის შინაგან საქმეთა სამინისტროს მიგრაციის სამსახურმა მიიღო გადაწყვეტილება 30.772 უკრაინელზე ბინადრობის ნებართვის გაცემის შესახებ, 29 ათასზე მეტს კი, - დროებითი ბინადრობის ნებართვა მიეცა. ამის შესახებ „რადიო თავისუფლება" იუწყება.

უკრაინის ცესკომ, საქართველოს ექსპრეზიდენტის და ოდესის ოლქის ყოფილი გუბერნატორის მიხეილ სააკაშვილის პარტიას "ახალ ძალთა მოძრაობას" ფინანსური დართვევები აღმოუჩინა, ცესკოს ინფორმაციით, დარღვევები პოლიტიკური პატიის საარჩევნო ფონდებში ფულადი სახსრების ჩარიცხვებსა და მოხმარებასთან დაკავშირებით იკვეთება.

მოსკოვში გამართული საპროტესტო აქცია დემონსტრატებსა და პოლიციას შორის შეტაკებით დასრულდა. 27 ივლისს აქციის დაშლა ძალის გამოყენებით მოხდა, რის შედეგადაც ასობით ადამიანი დააკავეს და არიან ასევე დაშავებულებიც. დაკავებულთა შორის ის კანდიდატებიც არიან, რომელთაც მერიის საკრებულოს არჩევნებში მონაწილეობაზე უარი უთხრეს.

„ეფ-35 ტიპის გამანადგურებელი თვითმფრინავის პროგრამა დიდი ხანია დაიწყო და მასში თურქეთიც მონაწილეობს. თუმცა, ბოლო დროს განვითარებული მოვლენებიდან გამომდინარე, სავარაუდოდ, უკვე შეწყდა თურქეთის მონაწილეობა ამ პროგრამაში.