შავი ზღვის თავზე, ნეიტრალურ სივრცეში ბოლო წლების ერთ-ერთი ყველაზე მასშტაბური საჰაერო ინციდენტი მოხდა, რომლის დროსაც 8 რუსული ავიაგამანადგურებელი 3 ამერიკულ ბომბდამშენს დაურიპისპირდა. ამის შესახებ ინფორმაციას რუსეთის თავდაცვის სამინისტრო ავრცელებს და მომხდარის დეტალებსაც აღწერს.

ევროკავშირის წამყვანი ქვეყნები გერმანია, საფრანგეთი და იტალია ბელორუსის პრეზიდენტის ალექსანდრ ლუკაშენკოს სასანქციო სიაში შეყვანის წინაღმდეგები არიან, მთავარი მიზეზი კი იმ საკომუნიკაციო არხის დატოვებაა, რომლის საშუალებითაც ევროკავშირი ლუკაშენკოს რეჟიმთან მოლაპარაკებას შეძლებს.

ნატო რუსეთს მოუწოდებს, რომ „ნოვიჩოკის" ჯგუფში შემავალი სამხედრო კლასის ნერვულ-პარალიტიკური ქიმიური აგენტით რუსი ოპოზიციონერის ალექსეი ნავალნის მოწამვლის საკითხი სრულიად გაამჟღავნოს.

რუსეთი სხვადასხვა ხერხს იყენებს, რათა ოპოზიციონერი ალექსეი ნავალნის მოწამვლის ფაქტი როგორმე გადაფაროს. ამჯერად კი ვლადიმირ პუტინს მოხალისე ასისტენტი გამოუჩნდა ბელორუსის წყალშეყენებული პრეზიდენტ ალექსანდრ ლუკაშენკოს სახით, რომელმაც გერმანიის კანცლერი ანგელა მერკელი, არც მეტი არც ნაკლები, ნავალნის ანალიზების პასუხების გაყალბებაში დაადანაშაულა.

გერმანიის შეიარაღებული ძალების ლაბორატორიამ დაადგინა, რომ რუსი ოპოზიციონერი ალექსეი ნავალნი ქიმიური ნივთიერება „ნოვიჩოკით" მოწამლეს - ამის შესახებ გერმანიის მთავრობის მიერ გამოქვეყნებულ განცხადებაშია ნათქვამი.

3 სექტემბერს ბელარუსში რუსეთის პრემიერ-მინისტრი მიხაილ მიშუსტინი მასობრივი აქციების ფონზე უკვე მეორედ ჩადის. მიშუსტინის მინსკში ვიზიტზე ინფორმაცია საგარეო საქმეთა მინისტრმა სერგეი ლავროვმა გააჟღერა, თუმცა ჩასვლის მიზეზები არ გაუხმაურებია.

რესპუბლიკური პარტიის საერთოეროვნული კონგრესის შემდეგ, აშშ-ის მოქმედ პრეზიდენტის, რესპუბლიკელი დონალდ ტრამპისა და მისი მთავარი კონკურენტის, ჯოზეფ ბაიდენის რეიტინგებს შორის სხვაობა შემცირდა და ახლა ტრამპი ბაიდენს მხოლოდ 6 პუნქტით ჩამორჩება. ასეთი შედეგები აჩვენა კომპანია „მორნინგ კონსალტის" მიერ ჩატარებულმა კვლევამ.

„სომხეთის შეიარაღების პროცესი ბოლო დროს აზერბაიჯანის საზოგადოებისა და ჩვენი სახელმწიფოს სერიოზულ შეშფოთებას იწვევს", - ამის შესახებ შაბათს აზერბაიჯანის პრეზიდენტის თანაშემწემ და პრეზიდენტის ადმინისტრაციის საგარეო ურთიერთობების განყოფილების ხელმძღვანელმა ჰიკმეთ გაჯიევმა განაცხადა.

ბოლო ორი დღის განმავლობაში უკრაინაში კორონავირუსის ორი ანტირეკორდი აღინიშნა. 27 აგვისტოს ქვეყანაში კორონავირუსით სიკვდილიანობის ყველაზე მეტი, 49 შემთხვევა დაფიქსირდა. 28 აგვისტოს კი ვირუსის 2 438 ახალი შემთხვევა დადასტურდა, რაც ასევე რეკორდია.

„რევოლუციები, რომლებიც განვითარდა პოსტსაბჭოთა სივრცეში, ძირითადად მძიმე სოციალური ფონით იყო ნაკარნახევი, იგივე ვარდების რევოლუცია, მაიდანი. ბელარუსში ასე თუ ისე საშუალო სოციალური ფონია, რაც დამატებით ეხმარება ლუკაშენკოს ხელისუფლების შენარჩუნებაში", - ასე აფასებს ბელარუსში განვითარებულ მოვლენებს პოლიტოლოგი ვახტანგ მაისაია „რეზონანსთან" საუბრისა.

იმ შემთხვევაში თუ დადასტურდება ალექსეი ნავალნის მიზანმიმართული მოწამლის ვერსია, შეერთებული შტატები რუსეთს მკაცრი ზომებით ემუქრება, - ამის შესახებ რუსეთის საგარეო საქმეთა სამინისტრომ განაცხადა. კერძოდ, ეს მუქარა საგარეო საქმეთა მინისტრის სერგეი ლავროვთან საუბრისას აშშ-ის სახელმწიფო მდივნის მაიკ პომპეოს პირველმა მოადგილემ, სტივენ ბიგანმა გააჟღერა.

24 აგვისტოს დილით სერიოზული ინციდენტი მოხდა სომეხეთის მთავრობის სხდომაზე. პრემიერ-მინისტრმა ნიკოლ ფაშინიანანმა და ჯანდაცვის მინისტრმა არსენ ტოროსიანმა ერთმანეთს სიტყვიერი შეურაცხყოფა მიაყენეს. ამის შესახებ ადგილობრივი გამოცემა Politik.am საკუთარ წყაროებზე დაყრდნობითი უწყება.