ფოთი-სენაკი-თბილისის ცენტრალურ მაგისტრალზე, სოფელ პატარა ფოთის მონაკვეთში მომხდარ ავარიას ორი ადამიანის სიცოცხლე ემსხვერპლა.

არსებული ინფორმაციით, "მერსედესის" მარკის ავტომანქანა გზის სავალი ნაწილიდან გადავიდა და ხეს შეეჯახა. შემთხვევის შედეგად ორი მგზავრი - ქალი და მამაკაცი ადგილზე დაიღუპა, მძღოლი კი სასწრაფო-სამედიცინო დახმარების ჯგუფმა ფოთის ჰოსპიტალში გადაიყვანა.