19 წლის გიორგი შაქარაშვილის საქმეზე სამედიცინო ექსპერტიზის დასკვნა უკვე ცნობილია, სადაც წერია, რომ ფეხბურთელი ასფიქსიით გარდაიცვალა.

საქმეზე დაკავებული ერთ-ერთი არასრულწლოვნის ადვოკატი ინფორმაციას ადასტურებს.

"გავრცელდა ამ დასკვნის შინაარსი წინასწარ და რამდენადაც ცნობილია, არის ასფიქსიით გარდაცვალება, რაც იმას ნიშნავს, რომ ის გარდაიცვალა გაგუდვით, დახრჩობით. მნიშვნელოვანი დასკვნა იქნება ეს, რადგან ასევე მითითებული უნდა იყოს ეს დაზიანებები სიცოცხლის დროინდელია თუ მას შემდეგ არის მიღებული, რითი არის მიყენებული" - ამბობს გიორგი გელხაური.

გიორგი შაქარაშვილის ოჯახი განცხადებას მოგვიანდებით გააკეთებს.