„ექსპერტიზასთან დაკავშირებით, ჩემი მოლოდინები ბრალის დამძიმების კუთხით არანაირად არ არის. ვინაიდან, მწამს და მჯერა, რომ ჩემი დაცვის ქვეშ მყოფ თენგო ბარბაქაძეს არანაირი შემხებლობა არ აქვს. ზოგადად, ჩემი პირადი მოსაზრებაა, რომ არავისი ბრალეულობა არ გამოიკვეთება და ბრალი არ დამძიმდება“, -აღნიშნა ადვოკატმა „პალიტრანიუსის“ გადაცემაში „360 გრადუსი“.

ამასთან, გიორგი ფოფხაძე აღნიშნავს, ის რაც ამ საქმის ირგვლივ ხდება, „უკვე ყოველგვარ ზღვარს გადადის“.

ხდება პირადი ინფორმაციის, პირადი მიმოწერის გასაჯაროება. ჩემთვის ყველაზე დიდი მარაზმი ისაა, რომ არ ვიცი ვინ, გამოძიება, კოლეგები თუ ვინ, საქმეს არ სწავლობენ, საქმის მასალებს ხელს კიდებენ და მედიას აძლევენ. მე ცხადია მედიასთან თანამშრომლობის წინააღმდეგი არ ვარ, მაგრამ არ უნდა დავარღვიოთ დაცვის უფლება, ჩემი კოლეგებისგან სამწუხაროდ ამას ვხედავ. ამ სიტუაციიდან გამომდინარე მგონია, რომ შესაძლოა, უახლოეს პერიოდში ახალი დანაშაული მოხდეს ასეთი უკონტროლო ინფორმაციების მიწოდების შემდგომ. პირადი მიმოწერების გამოქვეყნება არ შეიძლება. საქმეში დევს, მაგრამ საქმეს, რომელიც არ ეხება ეს მედიას არ უნდა გადასცენ“, -აღნიშნა ადვოკატმა.