"ნებისმიერი ტალღის, იქნება ეს მეორე, მესამე, თუ იყო პირველი, საფრთხე არის, რომ შეიძლება მოხდეს მისი უკონტროლო გავრცელება,"- ამის შესახებ ჟურნალისტებთან ჯანდაცვის მინისტრმა განაცხადა.
ეკატერინე ტიკარაძის თქმით, სწორედ ამიტომ მთავრობა და ყველა უწყება მუშაობს კოორდინირებულად, რათა ეპიდემიოლოგიური ვითარება არ გაუარესდეს.
"რაც შეეხება დღევანდელ ეპიდსიტუაციას, საქართველო არის ერთ-ერთი წამყვანი ქვეყანა მსოფლიოში, რომელსაც აქვს საუკეთესო ეპიდსიტუაცია. ვთვლით, რომ შემდგომშიც გავაგრძელებთ იმ მუშაობას, რის შედეგადაც ვეცდებით, რომ ყველანაირად ავიცილოთ შემდეგი ტალღის და ინფექციის გავრცელება საქართველოში,"- განაცხადა ტიკარაძემ.