სოფელ ჩუმლაყში მომხდარი დაპირისპირების დროს დაჭრილი ახალგაზრდა ამ დრომდე მართვით სუნთქვაზე იმყოფება. ექიმის განმარტებით, მისი მდგომარეობა მძიმეა.

პაციენტს გურჯაანის „ჯეო ჰოსპიტალსის" კლინიკაში ჩაუტარდა ოპერაცია.

გუშინ, სოფელ ჩუმლაყში სროლის შედეგად ერთი ახალგაზრდა გარდაიცვალა, ერთი კი დაიჭრა.

თვითმხილველების თქმით, მომხდარს სიტყვიერი და ფიზიკური დაპირისპირება უძღოდა, რის შემდეგაც გასროლის ხმა გაიგეს. საგამოძიებო მოქმედებები ამ დრომდე გრძელდება.

საქმეზე გამოძიება ორი მუხლით მიმდინარეობს - განზრახ მკვლელობის და დამამძიმებელ გარემოებაში მკვლელობის მცდელობის მუხლებით.