ინდოეთის ორ რეგიონში ჩამოვარდნილმა მეხმა, სულ ცოტა 117 ადამიანი იმსხვერპლა. ამის შესახებ ადგილობრივი ხელისუფლება იუწყება.

პირველი შემთხვევა ქვეყნის აღმოსავლეთით, ბიჰარის პროვინციაში მოხდა, სადაც 93 ადამიანი დაიღუპა. 24 ადამიანს მიადგა სიცოცხლისთვის შეუთავსებელი დაზიანებები რეგიონ უტარ პრადეში.

ამ ორი შემთხვევის შედეგად, 44 პირი დაშავდა, რომლებიც მკურნალობას ადგილობრივ სამედიცინო დაწესებულებებში გადიან.

დაღუპულთა უმეტესობა ფერმერები არიან, რომლებიც მეხის ჩამოვარდნისას ღია სივრცეში მუშაობდნენ.

ხელისუფლება დაღუპულთა ოჯახებს $5 000-ის ოდენობით კომპენსაციას დაჰპირდა.