აბაშაში მამაკაცი დაჭრეს. არსებული ინფორმაციით, მას გულმკერდის არეში ხუთი ჭრილობა აქვს მიყენებული. შემთხვევა აბაშის ცენტრში მდებარე სკვერის ტერიტორიაზე გუშინ საღამოს მოხდა. დაჭრილი მამაკაცი ქუთაისის კატასტროფის ცენტრში გადაიყვანეს.

გავრცელებული ინფორმაციით, დაჭრილი და ბრალდებული თანასოფლელები არიან.

როგორც თვითმხილველები ამბობენ, კონფლიქტს წინ შელაპარაკება უძღოდა, რის შემდეგაც ბრალდებულმა დანა გამოიყენა.

სამართალდამცავებმა ბრალდებული დ.მ. ადგილზევე დააკავეს. მომხდარ ფაქტზე შსს გამოძიებას სისხლის სამართლის კოდექსის 117-ე მუხლით აწარმოებს, რაც ჯანმრთელობის განზრახ მძიმე დაზიანებას გულისხმობს.