ქუთაისში, წერეთლის ქუჩაზე მამაკაცი დააკავეს. ასაკოვანი მამაკაცის აყვანის ოპერაცია სახელმწიფო უსაფრთხოების სამსახურის ანტიკორუფციულმა სააგენტომ განახორციელა. დაკავების მიზეზი უცნობია.

თვითმხილველების თქმით, მამაკაცი ქარვასლასთან იდგა, როდესაც საბუთი აჩვენეს, ხელბორკილები დაადეს და მანქანაში ჩასვეს. მას სამართალდამცველებისთვის წინააღმდეგობა არ გაუწევია.

მომხდარის დეტალებზე არ საუბრობენ სუსის წარმომადგენლები და განმარტავენ, რომ ადგილზე, ამ დრომდე, მიმდინარეობს საგამოძიებო მოქმედებები.