ინფექციურ საავადმყოფოში მხოლოდ ერთი ახალი პაციენტი შემოვიდა. გამოჯანმრთელდა ორი და დღეს გვყავს 24 დადასტურებული შემთხვევა, - ამის შესახებ მარინა ეზუგბაიამ ჟურნალისტებს განუცხადა.

„გუშინ მოთავსებული პაციენტის მდგომარეობა ჯერჯერობით სერიოზულია იმ თვალსაზრისით, რომ მას აქვს მძიმე პნევმონია და დაავადების პროგრესირება მიმდინარეობს. შემოსვლიდან, დღის განმავლობაში კვლავ გრძელდება პროგრესირება. არსებული კვლევებით, მონაცემები ადასტურებს, რომ სიტუაცია საშუალოზე მძიმეა. ეს გახლავთ ის პაციენტი, რომლის ინფიცირების წყარო უცნობია. მისი წყაროების კვლევა გრძელდება და იმედია პირველწყაროს დადგენა არ გართულდება", - აღნიშნა მარიან ეზუგბაიამ.