თბილისის ინფექციური საავადმყოფოს კლინიკური დირექტორის, მარინა ეზუგბაიას განცხადებით, დღევანდელი მონაცემებით, COVID ცენტრებში სულ 132 პაციენტი მკურნალობს. მისივე ინფორმაციით ბოლო 24 საათში გამოვლენილი 3 ახალი შემთხვევიდან ერთი სატვირთოს მძღოლია, ორი კი დადასტურებულ შემთხვევასთან კონტაქტი.
"ბოლო 24 საათის განმავლობაში 3 ახალი პაციენტი დაგვემატა და საერთო ჯამში მათი რაოდენობა 898-მდე გაიზარდა. რაც შეეხება გამოჯანმრთელებულებს მათი რიცხვი 11-ით გაიზარდა და უკვე 752 გამოჯანმრთელებული გვყავს. დღევანდელი მონაცემებით, 132 პაციენტი მკურნალობს COVID ცენტრებში.
ახალი 3 შემთხვევებიდან ერთი სატვირთო ავტომანქანის მძღოლია, ორი კი დადასტურებულ შემთხვევასთან კონტაქტია - ერთი ბოლნისი, მეორე კი მარნეული.
რაც შეეხება ჩვენს ცენტრს გუშინ ახალი შემთხვევა არ მიგვიღია, გვაქვს მხოლოდ 1 შესაძლო შემთხვევა, რომლის კვლევაც დღეს ჩატარდება. ასევე, ამ ეტაპზე ჩვენ მძიმე პაციენტი არ გვყავს, რამდენიმე მათგანი არის საშუალოზე მძიმე, დანარჩენი კი, საშუალო და მძიმე პაციენტები არიან" - განაცხადა მარინა ეზუგბაიამ.