ახალციხეში, თამარ მეფის ძეგლის მიმდებარე ტერიტორიაზე მანქანა ქვეითად მოსიარულეებს დაეჯახა. დაშავებულები სასწრაფოდ საავადმყოფოში გადაიყვანეს. ორივე დაშავებული ახალციხის კლინიკა "იმედში" შეიყვანეს, ექიმების განმარტებით ახალგაზრდებს კიდურების რთული მოტეხილობა აქვთ.

"ღია ჭრილობები და მოტეხილობები აქვთ, ამ ეტაპზე შესაბამისი პროცედურები უტარდებათ", – განუცხადეს "სამხრეთის კარიბჭეს" კლინიკაში.