ბოლნისის მუნიციპალიტეტის სოფელ სავანეთში კორონავირუსით ინფიცირების ერთი ახალი შემთხვევა დადასტურდა.

კორონავირუსი ქალს დაუდასტურდა, ხოლო მის მცირეწლოვან შვილს, რომელსაც ტემპერატურა აღენიშნება, პირველადი ტესტით ვირუსი არ დაუდასტურდა, თუმცა განმეორებითი ტესტი ჩაუტარდება.

ამ დროისთვის ეპიდემიოლოგები მუშაობენ როგორც კლინიკაში, ასევე მიმდინარეობს დედა-შვილის ახლო კონტაქტების სავანეთში მოძიება. სამი პირის ბიოლოგიური მასალა უკვე გადაიგზავნა ლუგარში.