ზუგდიდში კორონავირუსის ერთი ახალი შემთხვევა დადასტურდა. ინფორმაციას ამის შესახებ ზუგდიდის მერია ავრცელებს.ინფიცირებული 70 წლის მამაკაცია და ის ლარსის სასაზღვრო პუნქტიდან 12 ივნისს შემოვიდა. საქართველოში დაბრუნების შემდეგ მამაკაცი კარანტინში გადაიყვანეს, ჩაუტარდა „პისიარ“ კვლევა, რომლის უარყოფითი პასუხის შემდგომ, 14 ივნისს დროებით გაათავისუფლეს კარანტინიდან.

განმეორებითმა ტესტმა დადებითი აჩვენა. ინფიცირებული მამაკაცის კონტაქტებიდან შვიდი პირი გადაყვანილია კარანტინში და მიმდინარეობს ღრმა ეპიდკვლევა.