როგორც მსოფლიოში მანათობელი მოწყობილობების ყველაზე დიდი მწარმოებელი Signify აცხადებს, ბოსტონის უნივერსიტეტის მკვლევარებმა დაადასტურეს, რომ მათ მიერ გამოშვებული ულტრაიისფერი განათების მქონე სანათები 6 წამში კორონავირუსის 99% ანადგურებს. როგორც ცნობილია, ღია ცის ქვეშ მზის სხივებიც ამცირებენ ვირუსის კონცენტრაციას და მწარმოებელსაც იმედი ჰქონდა რომ იმავე ეფექტს მიიღებდა შენობაშიც.

„კომპანია კორონავირუსთან ბრძოლის წინააღმდეგ ამ ტექნნოლოგიის ექსკლუზიურად გამოყენებას არ აპირებს და უახლოეს მომავალში გადასცემს სხვა კომპანიებსაც" - აცხადებენ კომპანიაში.

არსებული მოთხოვნიდან გამომდინარე, კომპანია უახლოეს ხანებში წარმოების გაფართოებას გეგმავს.