"ბავშვებთან ერთად გადავდიოდით. მანქანა მოდიოდა, მე გავჩერდი გზის გამყოფ ხაზზე, ყურადღება მივაქციე უფროსს შვილს და ამ დროს მარია უკვე გამიფრინდა ხელიდან" - იხსენებს დაღუპული ბავშვის მამა.

ადგილობრივები აღნიშნავენ, რომ აღნიშნულ მონაკვეთზე ავარიები ხშირად ხდება, ამიტომ გადასასვლელი ხიდის გაკეთებას ითხოვენ. ესტაკადის მშენებლობამდე აქ ქვეითთა გადასასვლელი იყო, თუმცა შემდეგ გაუქმდა და შესაბამისად მონიშვნებიც წაშლილია.