„ვფიქრობ, რომ ეს კრიმინალური დანაშაული მნიშვნელოვანწილად უნდა მომსახურებოდა გარკვეული დესტაბილიზაციის შექმნას საქართველოში", - ამის შესახებ პარლამენტის თავმჯდომარის პირველმა მოადგილემ გიორგი ვოლსკიმ ჟურნალისტ გიორგი გაბუნიას ლიკვიდაციის დაგეგმვასთან დაკავშირებით თემის კომენტირებისას განაცხადა.

პირველმა ვიცე-სპიკერმა უსაფრთხოების სამსახურს ოპერაციის წარმატებით ჩატარებისთვის მადლობა გადაუხადა.

„იქ რუსული თემა წამოიწეოდა, გაბუნიას მიმართ კრიტიკული გამონათქვამებიც ბევრი წამოვიდოდა. რა დამოკიდებულებაც არ უნდა იყოს კონკრეტული ადამიანების მიმართ , მხოლოდ გაბუნიაზე არ არის ლაპარაკი, სიცოხლის წართმევა არის რასაკვირველია, არამარტო უდიდესი ცოდვა, არამედ კრიმინალური დანაშაული. მადლობა უსაფრთხოების სამსახურს, რომ ეს ოპერაცია ჩაატარა და გამოავლინდა ასეთი ბოროტი განზრახვა", - აღნიშნა ვოლსკიმ.