შიში არაფერს აკეთებს, ის ძალიან ცუდი გრძნობაა, საჭიროა სიფრთხილე და არა შიში - ამის შესახებ დაავადებათა კონტროლის ეროვნული ცენტრის დირექტორის მოადგილემ, პაატა იმნაძემ „რუსთავი 2-ის" ეთერში განაცხადა.

„შეიძლება, ვირუსის გადამტანი სახელურიც იყოს, თუ ეს არის ჩვეულებრივი პლასტმასის ან უჟანგავი ფოლადის სახელური, მათზე შეიძლება ვირუსი ერთი დღეც კი დარჩეს. ამიტომაა პირბადის ტარება აუცილებელია საზოგადოებრივ ტრანსპორტში - სხვამ რომ დააცემინოს ან დაახველოს, ვირუსი სახელურს არ მოხვდეს, რომელსაც მერე შენ ხელს მოჰკიდებ. თუ მიდიხარ 2 გაჩერებაზე, წადი ფეხით და ის ავტობუსი მას დაუთმე, ვინც შორ გზაზე მიდის, ან მოხუცია და სიარული არ შეუძლია. 2 დღეში ციდან ახალი ავტობუსები ვერ ჩამოცვივდება, ამიტომ ჩვენ უნდა ვიზრუნოთ და გამოვიჩინოთ პასუხისმგებლობა", - აღნიშნა პაატა იმნაძემ.

მონიტორინგის შედეგად, გამოიკვეთა 15 მარშრუტი, სადაც პიკის საათებში მგზავრთა გაზრდილი რაოდენობა ფიქსირდება, ამიტომ მუნიციპალური ტრანსპორტის 15 მარშრუტს ავტობუსები დაემატა.