პანიკის საფუძველი არ გვაქს, ქვეწარმავლების მომრავლება ცოტა ხმამაღალი ნათქვამია, რადგან ყოველ წელს უცვლელი რიცხვია და მათი აქტივობა წელსაც ისეთია, როგორიც წინა წლებში, - ამის შესახებ ჰერპერტოლოგმა, შოთა ზანდუკელმა „მაესტროს" ეთერში განაცხადა.

„რაც უფრო მაღალია ტემპერატურა, ქვეწარმავალი უფრო არააქტიური ხდება, უმეტესი მათგანი ღამის ცხოვრებაზე გადადის და აქედან გამომდინარე, ადამიანის მხედველობის არეში ისინი ნაკლებად ხვდებიან. გველის არ უნდა შეგეშინდეთ, ის არაფერს დაგვიშავებს, თუ ჩვენ მას თავს არ დავესხმებით. როდესაც მას ვუახლოვდებით, ის გარბის", - აღნიშნა ჰერპერტოლოგმა.