კორონავირუსის პანდემიის გამო დიდი მიგრაციული პროცესები დაიწყო. თუკი წლების განმავლობაში სოფლებიდან ხალხი დედაქალაქში გამორბოდა ან სამუშაოდ სხვა ქვეყნებში მიემგზავრებოდა, ტენდენცია საპირისპიროდ შეიცვალა. შეიძლება ითქვას, რომ ქვეყანაში უკუმიგრაციაა და ხალხი ვირუსისგან დაცვის თუ პროდუქტების მოყვანის მიზნით საცხოვრებლად სოფელს ირჩევს. ცხადია, ეს დროებითი მოვლენაა, თუმცა საკმაოდ ინტენსიური ხასიათის ცვლილებაა.დიდი მუშაობა არის გასაწევი იმ მხრივაც, რომ ქვეყანამ სამშობლოში დაბრუნებული ემიგრანტების დარჩენა უზრუნველყოს.