მსოფლიოში კორონავირუსის დადასტურებული შემთხვევების რიცხვმა 8 მილიონს გადააჭარბა. Worldometers-ის განახლებული მონაცემებით, გლობალურად ამ დროისთვის ვირუსის 8,035,252 შემთხვევაა გამოვლენილი. ამავე პლატფორმის თანახმად, კორონავირუსს მსოფლიოში 436,380 ადამიანი ემსხვერპლა, 4,152,241 ადამიანი კი ვირუსისგან გამოჯანმრთელდა.ამჟამად აქტიური შემთხვევების რიცხვი 3,446,631-ია. Worldometers-ის ინფორმაციით, მსოფლიოში კორონავირუსის ყველაზე მეტი - 2.1 მილიონი შემთხვევა აშშ-ში დაფიქსირდა. შემდეგ არის ბრაზილია - 868 000-მდე შემთხვევით, მესამეზე კი რუსეთი - 537 210 დაინფიცირებულით. ყველაზე მეტი გარდაცვლილი ჰყავს აშშ-ს, ბრაზილიას და დიდ ბრიტანეთს.