ახალციხეში 112-ის ბრიგადა ავარიაში მოყვა. შემთხვევა მაშინ მოხდა, როდესაც სასწრაფო დახმარების ჯგუფს ავადმყოფი სოფელ საძელიდან ახალციხის რეფერალურ საავადმყოფოში გადაჰყავდა. არსებული ინფორმაციით, გადაჭარბებული სიჩქარით მოძრავი "ტოიოტას" მარკის ავტომობილი ჯერ სასწრაფოს, მერე კი ხეს შეეჯახა.

დაშავებული ექიმი და სასწრაფოში მყოფი პაციენტი საავადმყოფოში მეორე ბრიგადამ გადაიყვანა.

შემთხვევის ადგილზე სასწრაფო დახმარებისა და პოლიციის ეკიპაჟებია მობილიზებული.

მომხდარზე გამოძიება სსკ-ის 276 მუხლით მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ჯანმრთელობის დაზიანება გამოიწვია.