როდის ჩატარდება არჩევნები, ამას კონსტიტუცია განსაზღვრავს. ამის შესახებ „ნაციონალური მოძრაობის" წევრმა ზაალ უდუმაშვილმა არჩევნების თარიღის შესაძლო ცვლილების საკითხზე კომენტირებისას „ქრონიკას„ განუცხადა.

მისი თქმით, არ აქვს მნიშვნელობა, როდის ჩატარდება არჩევნები, რადგან „ქართული ოცნება" დამარცხებულია.

„პანდემიის მხრივ, ჯერჯერობით არ ჩანს იმის ნიშნები, რომ არჩევნები გადაიდოს. ამის არანაირი ნიშანწყალი არ არის და შესაბამისად, ამაზე ეპიდემიოლოგებიც არ საუბრობენ. თუ ზოგადად მსოფლიოში შეიქმნა უმძიმესი მდგომარეობა, მათ შორის საქართველოშიც, ეს შეიძლება გარკვეული კორექტივის შეტანის მიზეზი გახდეს", - განაცხადა ზაალ უდუმაშვილმა.