გამვლელმა, რომელიც სავარაუდოდ, ნასვამ მდგომარეობაში იყო, ცოლ-ქმარს სცემა. შემთხვევა სადგურის დასახლებაში მოხდა. ნაცემი ქალი ჰყვება, რომ უცნობმა პირმა ძაღლის გამო მიაყენა ჯერ სიტყვიერი, შემდეგ კი ფიზიკური შეურაცხყოფა.

„მეც მცემა და ჩემი მეუღლეც. ძაღლს ვაწყნარებდი, ამ დროს მოვიდა უცნობი მოქალაქე და ჩვენ დაგვიწყო ცემა“, – აცხადებს დაზარალებული.

ხმაურზე მეზობლებიც გამოვიდნენ, რომლებიც აცხადებენ, რომ ცოლ-ქმარს ცუდი ძაღლი ჰყავს და უბანში ყველა შეწუხებულია.