თუ გამოცდების დაწყებამდე და გამოცდაზე მისვლამდე აბიტურიენტი თავს შეუძლოდ იგრძნობს, (2-3 დღით ადრეც) ამისთვის მზად იქნება პირველადი ჯანდაცვის ქსელი, რომ ასეთი აბიტურიენტი მიიღოს, ჩაუტარდეს შესაბამისი შეფასება და საჭიროების შემთვევაში PCR ტესტირება, თუ ამას ოჯახის ექიმი საჭიროდ ჩათვლის, - ამის შესახებ ჯანდაცვის მინისტრის მოადგილემ, თამარ გაბუნიამ მთავრობის ადმინისტრაციაში გამართულ ბრიფინგზე განაცხადა.

„საგამოცდო სივრცეში ტემპერატურის მომატების შემთხვევაში ბუნებრივია დგება საეჭვო კოვიდის თემა და ამდენად ჩვენ მაქსიმალურად შევეცდებით მინიმუმამდე შევამციროთ ტემპერატურის მომატების დროს კოვიდის ალბათობა. თუ გამოცდების დაწყებამდე და გამოცდების მისვლამდე აბიტურიენტი თავს შეუძლოდ იგრძნობს, (2-3 დღით ადრეც) ამისთვის მზად იქნება პირველადი ჯანდაცვის ქსელი, რომ ასეთი აბიტურიენტი მიიღოს, ჩაუტარდეს შესაბამისი შეფასება და საჭიროების შემთვევაში PCR ტესტირება, თუ ამას ოჯახის ექიმი საჭიროდ ჩათვლის, რადგან 2-3 დღით ადრე ჩატარებული ტესტირება ჩვენ საშუალებას მოგვცემს უსაფრთხოდ გამოვრიცხოთ კოვიდის არსებობა და აბიტურიენტს, რომელსაც შესაძლოა ტემპერატურა მომატებული ჰქონდეს გამოცდამდე დავუშვათ საგამოცდო სივრცეში, - აღნიშნა თამარ გაბუნიამ.