დაავადებათა კონტროლის ეროვნული ცენტრის დირექტორის მოადგილის პაატა იმნაძის თქმით, სომხეთის დახმარებასთან დაკავშირებით მოლაპარაკებები მიმდინარეობს. ამის შესახებ მან საკოორდინაციო საბჭოს სხდომის დასრულების შემდეგ განაცხადა.

დახმარების ფარგლებში საქართველო სპეციალისტების გაგზავნის თუ კოვიდინფიცირებულ პაციენტებს საქართველოში ჩამოიყვანენ, ამის შესახებ იმნაძე პასუხობს, რომ ეს საკითხი ჯერ განხილვის საგანია.

„ამ საკთხზე მოლაპარაკებები მიმდინარეობს, იცით რომ შეთავაზება გაკეთებული იყო. ეს ყველაფერი იქნება მოლაპარაკების საგანი“, – განაცხადა პაატა იმნაძემ.