კორონავირუსით ინფიცირებული 83 წლის ქალბატონის ისტორია, რომელმაც კორონავირუსი დაამარცხა და სრულად განიკურნა. 83 წლის ეკატერინა ლამაზიანი კორონავირუსი 30 აპრილს ბოლნისის საავადმყოფოში დაუდგინდა. ის თავიდანვე კრიტიკულ მდგომარეობაში იმყოფებოდა, რადგან მას თანმხლები ქრონიკული დაავადებებიც ჰქონდა. ამის გამო ის პირველ მაისს თბილისში გადმოიყვანეს.

ვინაიდან მისი ჯანმრთელობის მდგომარეობა ძალიან მძიმე იყო, გადაწყდა, რომ ის იქნებოდა საქართველოში პირველი პაციენტი, რომელზეც სისხლის პლაზმით მკურნალობის მეთოდს გამოიყენებდნენ.