ხვალიდან საქართველოს მთავრობის გადაწყვეტილებით კორონავირუსის გამო დაწესებული შეზღუდვების ერთი ნაწილი იხსნება.

შეზღუდვები, რომლებიც იხსნება:

შესაძლებელი ხდება მიკროავტობუსებითა და ავტობუსებით მგზავრთა საქალაქთაშორისო გადაყვანა.

დასაშვები ხდება რესტორნების, ბარებისა და კაფეების დახურული სივრცის გახსნა;

დასაშვები ხდება სასტუმროების მუშაობა, თუ ისინი დააკმაყოფილებენ ჯანდაცვის სამინისტროს რეკომენდაციებს;

ამუშავდება ვალუტის გადამცვლელი ჯიხურები.

შეზღუდვები, რომლებიც რჩება:

საზოგადოებრივი ტრანსპორტით მგზავრობა დასაშვებია მხოლოდ პირბადით.

აკრძალულია ტაქსით სამ პირზე მეტის გადაყვანა

სკოლებსა და უნივერსიტეტში საგანმანათლებლო პროცესი დასაშვებია დისტანციურად. უმაღლეს საგანმანათლებლო დაწესებულებებს პრაქტიკული სამუშაოების ჩატარება შეუძლიათ უსაფრთხოების წესების დაცვით;

აკრძალულია ყველა ტიპის სპორტული ღონისძიება.

აკრძალულია 10 პირზე მეტის შეკრება, მათ შორის ქორწილისა და ქელეხების გადახდა

დახურულ სივრცეში ყველა პირი ვალდებული ატაროს პირბადე.