ბურჯანაძის კანდიდატურასთან დაკავშირებით ჯერ ჩამოყალიბებული არ ვართ, - ამის შესახებ „ერთიანი საქართველო-დემოკრატიული მოძრაობის" ერთ-ერთმა ლიდერმა, ანზორ ბიწაძემ, „რუსთავი 2"-ის ეთერში, ნინო ბურჯანაძის შესაძლო მაჟორიტარ კანდიდატურაზე საუბრისას განაცხადა.

„ოპოზიციური ერთობის, რომელიც შედგა, ჩვენ ერთგული ვრჩებით. ამ პროცესში მონაწილეობას ვიღებთ და მოლაპარაკება მიმდინარეობს მაჟორიტარულ ოლქებთან დაკავშირებით. ახლა რამდენიმე კანდიდატს ვიხილავთ, მაგრამ ჯერჯერობით ეს შიდა პარტიული განხილვაა, სანამ ეს განხილვა არ მორჩება, ჩვენს კოლეგაოპოზიციონერებს ამასთან დაკავშირებით არ ვაპირებთ, რამე შევატყობინოთ. ჩემი კანდიდატურა არც შიდა პარტიულ კონსულტაციებში არ განიხილება - ეს შემიძლია დადასტურებით გითხრათ, ქალბატონ ნინოსთან დაკავშირებით ჯერჯერობით ჩამოყალიბებული არ ვართ", - აღნიშნა ანზორ ბიწაძემ.