ორი დღის წინ გორში, 28 წლის გოგონა გარდაიცვალა. „პრაიმტაიმის" წყაროს ინფორმაციით, გოგონა დიალეზზე იყო და ყოველდღე დადიოდა საავადმყოფოში სამკურნალოდ.

თუმცა გარდაცვალების დღეს ახალგაზრდა გოგო საავადმყოფოში არ წასულა.

წყაროს ცნობით, გარდაცვლილს სახის არეში ჩალურჯებები აღენიშნება. მიზეზი თუ რატომ ვერ წავიდა გოგონა საავადმყოფოში, უცნობია.

არსებული ინფორმაციით გარდაცვლილს და მის მეუღლეს წარსულში უთანხმოება ჰქონდათ.გარდაცვლილი გოგოს მეუღლეს სამძიმარზე არ უშვებენ ახლობლები.

ცნობისთვის, გარდაცვლილის მეუღლე წარსულში მკვლელობისთვის იხდიდა სასჯელს. გარდაცვლილს სამი წლის გოგონა დარჩა.

მომხდარზე შსს-მ გამოძიება 115-ე მუხლით დაიწყო რაც თვითმკვლელობამდე მიყვანას გულისხმობს. საქმეზე ჯერ დაკავებული არავინ არაა.

“პრაიმტაიმი“