ბოლო თვის განმავლობაში რუსეთში კორონავირუსით 9 479 მედმუშაკი დაინფიცირდა. ამის შესახებ Associated Press-ი რუსულ მედიაში გამოქვეყნებულ მონაცემებზე დაყრდნობით წერს.

სააგენტოს ინფორმაციით, 70-ზე მეტი მედმუშაკი გარდაიცვალა. Associated Press-ი აღნიშნავს, რომ ეს რიცხვი შესაძლოა უფრო მაღალიც იყოს, რადგან „ხსენების წიგნში", რომელშიც გარდაცვლილი კოლეგების სახელების დამატება თავად ექიმებს შეუძლიათ, ამ ეტაპზე 254 სახელია.

ბოლო მონაცემებით, რუსეთში კორონავირუსი 317 553 ადამიანს დაუდასტურდა, გარდაცვლილთა რიცხვი 3 ათასს აღემატება.