ჩეჩნეთის ლიდერმა, რამზან კადიროვმა საავადმყოფოებიდან იმ ექიმების გაგდების ბრძანება გასცა, ვინც დამცავი აღჭურვილობის სიმცირეზე პრეტენზიას გამოთქვამენ. ინფორმაციას „კავკაზკი უზელზე" დაყრდნობით, The Moscow Times-I ავრცელებს.

„პროვოკატორები უნდა გაყაროთ. ჩვენ ყველაფერი გვაქვს: აღჭურვილობა, სამოსი, ნიღბები, ჟანგბადი, წამლები. ის კი არა, ჩვენ სხვა რეგიონებსაც შეგვიძლია დავეხმაროთ. ჩვენ სულ ცოტა 30-40 000 სპეციალური სამოსი გვაქვს და მილიონობით ნიღაბი", -აღნიშნა კადიროვმა და დასძინა, რომ ის ექიმი, რომელიც ამ თემაზე საუბრობდა „უბრალოდ გიჟია".

ცნობისთვის, რამდენიმე დღის წინ, ჩეჩნეთის ერთ-ერთი საავადმყოფოს მედპერსონალმა აქცია გამართა. მათი თქმით, დამცავი აღჭურვილობის უქონლობას მათი კოლეგა შეეწირა. ცოტა ხნის შემდეგ, ექიმებმა ადგილობრივი ტელევიზიით ბოდიში მოიხადეს.