დღეიდან, 18 მაისიდან, საქართველოში კორონავირუსის პანდემიის გამო დაწესებული რამდენიმე შეზღუდვა მოიხსნა.

შეზღუდვების მოხსნის შესახებ გადაწყვეტილება ქვეყნის მთავრობამ მიიღო. როგორც საქართველოს პრემიერ-მინისტრმა გიორგი გახარიამ განმარტა, ქვეყანაში არსებული ეპიდსიტუაცია შეზღუდვების მოხსნის შესაძლებლობას იძლევა.

დღეიდან:

მარნეული გაიხსნა და მუნიციპალიტეტში გადაადგილება თავისუფალია;

მოიხნა 3 ადამიანის შეკრებაზე დაწესებული შეზღუდვები;

გაიხსნა სილამაზის სალონები და ესთეტიკური მედიცინის ცენტრები;

მართვის მოწმობის ასაღები პრაქტიკული გამოცდები აღდგა.

რაც შეეხება შეზღუდვების მოხსნის შემდეგ ეტაპს:

15 ივნისიდან საქართველო გაიხსნება ადგილობრივი ტურიზმის სერვისების მიწოდებისთვის.

1 ივლისიდან საქართველო მზად იქნება უცხოელი ტურისტების მისაღებად.

შეგახსენებთ, საგანგებო მდგომარეობა საქართველოში 22 მაისამდე მოქმედებს. ამასთან, მოქმედებს, ე.წ. კომენდანტის საათიც, რომლის დროსაც, 21:00 საათიდან 06:00 საათამდე გადაადგილება იკრძალება.