დღეს კოვიდინფიცირებულების რიცხვს ზუგდიდში მცხოვრები 42 წლის მამაკაციც მიემატა. ის რუხის საავადმყოფოში ორმხრივი პნევმონიით და მაღალი ტემპერატურით მკურნალობს. ცოტა ხნის წინ ცნობილი გახდა, რომ მისი დედაც ინფექციის მატარებელია.

მამაკაცი მძღოლია და ის თვითიზოლაციაში იმყოფებოდა, თუმცა თვითიზოლაციის ვადის გასვლის შემდეგ მას კორონავირუსი აღმოაჩნდა.

შეგახსენებთ, ეპიდემიოლოგები სწავლობენ ახალგაზრდა კაცის კლასტერებს ზუგდიდში, ფოთსა და თბილისში.

ანაკლია-განმუხურის საკარანტინო ზონაში კი გადაყვანილია მისი ცოლ-შვილი, დედა, რომელსაც კოვიდ-19 დაუდასტურდა და სიდედრი.