ბათუმის კლინიკა „მედალფადან" ყველაზე კრიტიკულ მდგომარეობაში მყოფი, კორონავირუსით ინფიცირებული 82 წლის მამაკაცი გაეწერა.

კლინიკის დირექტორის ინგა ხოზრევანიძის განცხადებით, პაციენტი თითქმის ერთი თვის განმავლობაში მართვითი სუნთქვის აპარატზე იმყოფებოდა.

მართალია, მან COVID-19 სრულად დაამარცხა, მაგრამ ფსიქიკური პრობლემების გამო, სხვა კლინიკაში გადაიყვანეს.

დღეს, კლინიკას კიდევ ერთი ვირუსისგან გამოჯანმრთელებული პაციენტი დატოვებს. ამ დროისთვის, „მედალფაში" სამკურნალოდ სამი ინფიცირებული რჩება.

შეგახსენებთ, ბოლო 24 საათში, ქვეყანაში კორონავირუსის ექვსი ახალი შემთხვევა გამოვლინდა, 26 პაციენტი კი გამოჯანმრთელდა.

სულ ქვეყანაში კორონავირუსის 677 შემთხვევაა დადასტურებული. გამოჯანმრთელებული პაციენტების საერთო რაოდენობა კი 419-ს შეადგენს.

პრაიმტაიმი