თურქეთში, ქალაქ ტრაპიზონში, საქართველოს მოქალაქე, სამედიცინო დაწესებულებიდან გაქცევას ცდილობდა. არსებული ინფორმაციით, მამაკაცი საავადმყოფოში, ახალი კორონავირუსისთვის დამახასიათებელი ნიშნებით მოათავსეს.

როგორც ადგილობრივი მედია საშუალებები იუწყებიან, პაციენტი დაწესებულების მე-3 სართულის ფანჯრიდან ზეწრის მეშვეობით ცდილობდა გაქცევას, თუმცა თეთრეულის სიგრძე საკმარისი არ აღმოჩნდა.

საავადმყოფოს, დაცვის სამსახურის თანამშრომლებმა, მამაკაცი შეამჩნიეს და პალატაში დააბრუნეს.