„დარჩი სახლში" - ასეთი კატეგორიულები არა ვართ, მაგრამ დარჩი სახლში, თუ არ დარჩები, შეზღუდვები მაქსიმალურად გაითვალისწინე, - ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ შეზღუდვებთან დაკავშირებით დასმულ კითხვაზე საპასუხოდ აღნიშნა.
როგორც მარინა ეზუგბაიამ განაცხადა, მიუხედავად შეზღუდვების მოხსნისა, მიღებული უნარ-ჩვევები უნდა გამოვიყენოთ.
„თვითშეზღუდვები დავიწესოთ და მაქსიმალურად ვეცადოთ. ჩვენს თვითშეზღუდვებზე არის დამოკიდებული შემდგომში ამ დაავადების გავრცელება ჩვენს ქალაქში და ჩვენს ქვეყანაში. აქედან გამომდინარე, „დარჩი სახლში!"- ასეთი კატეგორიულები არა ვართ, მაგრამ დარჩი სახლში, თუ არ დარჩები, შეზღუდვები მაქსიმალურად გაითვალისწინე", - განაცხადა მარინა ეზუგბაიამ.