ავღანეთის დედაქალაქ ქაბულში, შეიარაღებული პირები საავადმყოფოს დაესხნენ თავს. გავრცელებული ინფორმაციით „ექიმები საზღვრებს გარეშე" ჰოსპიტალს თავს მაშინ დაესხნენ, როცა მას ჯანდაცვის მინისტრის მოადგილე სტუმრობდა.

მედიის ცნობით, ამ დროისთვის საავადმყოფოში სპეციალური ოპერაცია მიმდინარეობს.

„საავადმყოფო სავსეა პაციენტებით და ექიმებით. იქ სრული პანიკაა",-აცხადებს ექთანი, რომელმაც შენობის დატოვება მოახერხა.

ინფორმაცია გარდაცვლილთა და დაშავებულთა შესახებ ჯერჯერობით არ გავრცელებულა.