თბილისის ინფექციური საავადმყოფოს დირექტორი თენგიზ ცერცვაძე ახალგაზრდებს მოუწოდებს, ახალ კორონავირუსს ნუ გაუთამამდებიან.

მისი თქმით, ვირუსით გარდაცვალების უმეტესი შემთხვევა ასაკოვან ხალხში ფიქსირდება, თუმცა მსოფლიოში არის შემთხვევები, როდესაც COVID-19-ს ახალგაზრდებიც ემსხვერპლნენ.

"ამ ვირუსით გარდაიცვალა ახალგაზრდა ექიმი ჩინეთში, რომელმაც პირველმა აღწერა ეს დაავადება, იტალიაში საავადმყოფოს სრულიად ახალგაზრდა ექიმი, საფრანგეთში 15-16 წლის გოგო გარდაიცვალა, ამერიკაში 20% ახალგაზრდა ასაკის არის. ასე, რომ ახალგაზრდა ასაკი არ არის პანაცეა. რა თქმა უნდა განსაკუთრებით უნდა გავუფრთხილდეთ ასაკოვან ადამიანებს, მაგრამ ნუ გათამამდებიან ახალგაზრდები, ვინაიდან გაცილებით უფრო იშვიათად, მაგრამ არც თუ ისე იშვიათად, უცხოეთის ქვეყნებში არის გარდაცვალების შემთხვევები ახალგაზრდა ასაკში", - აღნიშნა თენგიზ ცერცვაძემ.