ივლისში ბავშვებისთვის საზაფხულო ბაღები არ იმუშავებს. როგორც თბილისის საბავშვო ბაგა-ბაღების მართვის სააგენტოში აცხადებენ, მათი სოციალური პროექტი „საზაფხულო ბაღები“ ივლისში არ განხორციელდება, რადგან პანდემიის გამო გარკვეული რისკები არსებობს. აღნიშნული გადაწყვეტილება ანტიკრიზისულმა საბჭომ მიიღო.

თბილისში ყოველ ზაფხულს, ივლისის თვეში, 40 საბავშვო ბაღი ფუნქციონირებდა, რომლითაც14 ათასამდე აღსაზრდელი სარგებლობდა. ძირითადად, ის პატარები, რომლებიც ამ პერიოდში თბილისიდან დასასვენებლად წასვლას ვერ ახერხებდნენ.

რაც შეეხება საბავშვო ბაგა-ბაღებში ახალი სასწავლო წლისთვის რეგისტრაციას, 12 ივნისს, 12:00 საათზე დაიწყება. რეგისტრაციის პირველი ეტაპი განკუთვნილია სტატუსის მქონე ბავშვებისთვის. სულ ასეთი 5 კატეგორიაა. შემდეგ ეტაპზე, 19 ივნისს, 12:00 საათზე კი ყველა ბავშვი შეძლებს რეგისტრაციის გავლას, რომელთაც 2 წელი 14 სექტემბრის ჩათვლით შეუსრულდებათ.

სწავლა თბილისის საბავშვო ბაღებში 14 სექტემბერს განახლდება.

იმედინიუსი