კომენდანტის საათის დროს ქუჩებში მხოლოდ ის მანქანები ჩნდებიან, რომელთა მგზავრებს მუშაობა განსაკუთრებული აუცილებლობის გამო უწევთ. ეს პერიოდი ახალი სიცოცხლის დაბადების ბევრ ისტორიას აერთიანებს. მაგალითად, მათი, ვინც სამშობიაროსკენ აკრძალულ დროს მიიჩქაროდა ან მათი, ვინც ვერ მიასწრო და შვილი სასწრაფო სამედიცინო დახმარების მანქანაში შეეძინა.

პანდემიასთან ბრძოლას უამრავი ადამიანი შეეწირა, თუმცა წლის დასაწყისიდან, მას შემდეგ, რაც ახალი კორონავირუსის აფეთქების შესახებ ცნობა მთელი მსოფლიოს მასშტაბით გავრცელდა, დაბადებულთა რიცხვმა 35 მილიონს გადააჭარბა.