ჩინეთისა და ინდოეთის საზღვარზე, სამხედრო მოსამსახურეებმა იჩხუბეს. ადგილობრივი მედიის ცნობით, ჩხუბის შედეგად შვიდი ჩინელი და ოთხი ინდოელი ჯარისკაცი დაშავდა.

როგორც BBC წერს, ინციდენტი ინდოეთის სიკიმის შტატში, ნაკულას სექტორში მოხდა, რომელიც ჰიმალაებში, ზღვის დონიდან 5 000 მეტრზე მაღლა მდებარეობს.

გავრცელებული ინფორმაციით, ადგილობრივი მეთაურების კომუნიკაციის შემდეგ დაძაბული ვითარება განიმუხტა.

წინასწარი მონაცემებით, მხარეებს ცეცხლსასროლი იარაღი არ გამოუყენებიათ და ერთმანეთს ქვები დაუშინეს. საერთო ჯამში ინციდენტში 150-მდე სამხედრო მონაწილეობდა, არიან დაშავებულებიც.

"პრაიმტაიმი"