საქართველოში კორონავირუსის ცხრა ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებ-გვერდზე, stopcov.ge-ზე ცოტა ხნის წინ განახლდა. მართალია, გუშინდელ მონაცემებთან შედარებით მატება შეინიშნება, თუმცა ბოლო დღეების დადებითი დინამიკა (გამოჯანმრთელებულთა სასარგებლოდ) გრძელდება.

ვებ-გვერდის ინფორმაციით, ამ დროისთვის საქართველოში კორონავირუსის 635 შემთხვევაა დადასტურებული. გამოჯანმრთელდა კიდევ 12 პაციენტი – სულ გამოჯანმრთელებულთა რაოდენობა 309-ს შეადგენს.

კორონავირუსის შედეგად ქვეყანაში ათი პაციენტი გარდაიცვალა.