11 მაისიდან თბილისში ყველა სახის შეზღუდვა მოიხსნება, 14 მაისიდან სრულად გაიხსნება მიმოსვლა რუსთავსა და გარდაბანში,18 მაისს კი, მარნეულში - ამის შესახებ საქართველოს პრემიერ-მინისტრმა გიორგი გახარიამ განაცხადა.

შესაბამისად, თბილისსა და რუსთავში გადაადგილებაზე დაწესებული შეზღუდვები უქმდება.

თბილისში, რუსთავში, ქუთაისსა და ბათუმში შესვლა და გამოსვლა 15 აპრილს აიკრძალა.

ამასთან, ხუთი მაისიდან შეზღუდვა უკვე მოიხსნა ქუთაისსა და ბათუმში.